Discovery ընկերությունների խումբը դիմել է ՀԱՕԿ նախագահ Գագիկ Ծառուկյանին՝ համագործակցություն սկսելու առաջարկով

Նոյ Դեմիրճյանը  ֆեյսբուքյան իր էջում գրում է.

Հայաստանը աշխարհին ճանաչելի դարձնելու քայլեր տարիներ շարունակ արվել ու արվում են, հստակ հասկանալով դրա կարևորությունն ու սկզբունքայնությունը մեր երկրի համար: Այսօր արդեն այդ գործընթացը կարծես աննախադեպ փուլ է մտնում, քանզի աշխարահռչակ՝ Discovery Group մեդիա ընկերության փոխտնօրեն Սաշա Լայերը Հայաստանում է:
Discovery-ին հեռարձակվում է աշխարհի շուրջ 225 երկրներում, հետևաբար հնարավորություն կունենանք մեր երկիրը ներկայացնել մոլորակի միլիարդավոր մարդկանց: Այս կարևոր նախձեռնությունը կյանքի կոչելու համար Discovery Group մեդիա ընկերության փոխնախագահ Սաշա Լայերը դիմել է Գագիկ Ծառուկյանին՝ նրա աջակցություն ստանալու նպատակով: Հայաստանի համար նման կարևոր նախաձեռնությանը աջակցելուն Գագիկ Ծառուկյանին դիմելը բնավ պատահական չէ, քանզի տարիներ շարունակ տեսել ենք Ծառուկյանի կողմից կատարված քայլերն ու նրա ջանքերը Հայաստանը աշխարհին ավելի ճանաչելու դարձնելու հարցում: Իսկ Գագիկ Ծառուկյանի անձնական հեղինակությունն ու նրա նկատմամբ վստահությունը ևս մեկ խթան են հանդիսացել Discovery Group մեդիա ընկերության ներկայացուցիչների համար, որպեսի գործակցություն սկսեն հենց Գագիկ Ծառուկյանի աջակցությամբ:
Դե ինչ վերը նշված անուններն ավելի քան խոստումնալից են և վստահաբար շատ շուտով մենք և ամբողջ աշխարհը ականատեսը կլինեք հայկական մշակույթը, սպորտն ու պատմությունը ներկայացնող հիանալի նախաձեռնության, որից հետո երկրում կավելանա թե՛ տուրիստական հոսքը, և թե՛ ներդրումների քանակը: