Նիկոլ Փաշինյանն ընդդեմ Նիկոլ Փաշինյանի. ո՞վ է վատնում հեղափոխության կապիտալը

Խորհրդային Հայաստանի խոշորագույն գործարաններից մեկը սնանկության գործընթացի մեջ է: Չնայած ամիսներ տևած քննարկումներին, գործարանի վերագործարկման հետ կապված հույսերին, առկա է որորշում՝ վաճառքի հանել ձեռնարկության բոլոր այն սարքավորումները, որոնք պետության սեփականությունն են: «Նաիրիտ»-ի ունեցվածքը նախկինում էլ էին վաճառում, բայց հիմնականում աճուրդի էր հանվում ոչ արտադրական ունեցվածքը՝ կահույք, մեքենաներ և այլն: Իսկ արտադրամասերի սարքավորումներին աշխատում էին ձեռք չտալ: Բայց այս անգամ գործարանի ամբողջ արտադրական ունեցվածքը որոշվել է վաճառքի հանել: Ընդ որում՝ գործարանի համար մեկ ներդրող չեն փնտրում, ձեռնարկությունը բաժանել են տարբեր լոտերի:

 

 

 

Ընդդիմադիր Փաշինյանը պահանջում էր իշխող քաղաքական ուժից՝ ավելացնել ընդդիմությանը տրվող լծակները՝ հատկապես պառլամենտում: Վարչապետ Փաշինյանը անում է ամեն ինչ՝ խորհրդարանում իր քաղաքական ուժի միահեծանությունն ապահովելու ուղղությամբ՝ երկրորդ, եթե ոչ երրորդ պլան մղելով ընդդիմադիր խմբակցությունների լիազորությունների ավելացման հարցը:

 

Ընդդիմադիր Փաշինյանը պահանջում էր փոխել «Սերժ Սարգսյանի հագով կարված կոստյում» Սահմանադրությունը:

 

Վարչապետ Փաշինյանը սիրով հագնում է այն:

Իրականում վարչապետ դառնալուց հետո Փաշինյանի ոճը չի փոխվել: Նա շարունակում է մնալ ընդդիմադիր գործչի ամպուլայում՝ առաջնորդվելով տեսարանների և պոպուլիզմի օրակարգով: Սակայն, ինչպես տեսնում ենք, էականորեն տրանսֆորմացվել են ընդդիմադիր Փաշինյանի և վարչապետ Փաշինյանի քաղաքական հայացքները: