Եվրոպայի հավաքականը հաղթեց, Արոնյանը ոչ ոքի խաղաց Կարուանայի հետ
Շախմատի միջազգային ֆեդերացիայի կազմակերպած Ազգերի գավաթի առցանց խաղարկության (արագ շախմատ) նախնական փուլի նախավերջին տուրում Եվրոպայի հավաքականը 2,5։1,5 հաշվով առավելության հասավ ԱՄՆ-ի հավաքականի նկատմամբ։
Երկրորդ համարների պայքարում հայկական շախմատի առաջատար Լեւոն Արոնյանը սպիտակներով մրցեց Ֆաբիանո Կարուանայի հետ։ 77-րդ քայլում գրանցվեց ոչ ոքի։
Ոչ ոքի ավարտվեցին նաեւ Հիկարու Նակամու։ րայի եւ ֆրանսիացի Մաքսիմ Վաշյե-Լագրավի, Ուեսլի Սոյի ու հոլանդացի Անիշ Գիրիի պարտիաները։
Եվրոպայի հավաքականին հաղթանակ բերեց վրացի Նանա Ձագնիձեի մեկ միավորը Իրինա Կրուշի հետ դիմակայությունում։ Կանոնակարգով ամեն թիմի չորս մասնակիցներից առնվազն մեկը պետք է լինի կին։
Հիշեցնենք, որ նախորդ տուրերում Լեւոն Արոնյանը պարտվել էր հնդիկ Գուջրատի Վիդիտին, ոչ ոքի էր խաղացել չինացի Յի Վեյի եւ ռուսաստանցի Վլադիսլավ Արտեմյեւի հետ, հաղթել էր Գուջրատի Վիդիտին, ԱՄՆ-ի թիմը ներկայացնող կուբացի Լենիեր Դոմինգեսին եւ մնացյալ աշխարհի հավաքականի անդամ, իրանցի Ալիռեզա Ֆիրուջային։ Առաջին տուրում հայ գրոսմայստերը պարտվել էր Արտեմիեւին, երկրորդ տուրում ոչ ոքի էր խաղացել Յի Վեյի հետ։
9-րդ տուրի մյուս դիմակայություններում Ռուսաստանի հավաքականը 2։2 հաշվով խաղաց մնացյալ աշխարհի հավաքականի հետ։ Չինաստանի հավաքականը 2,5։1,5 հաշվով հաղթեց հնդիկներին եւ 17 թիմային միավորով ապահովեց առաջին տեղն ու սուպերեզրափակիչի ուղեգիրը։
Վերջին տուրից առաջ Եվրոպայի հավաքականը 12 միավորով երկրորդ տեղում է, ԱՄՆ-ի թիմը հետ է 1 միավոր։
Մայիսի 9-ին տեղի կունենա նաեւ վերջին տուրը, իսկ մայիսի 10-ին երկու ուժեղագույն թիմերը կմրցեն սուպերեզրափակիչում։
Մրցանակային հիմնադրամը 180 հազար դոլար է։




















Ես հայտարարեցի, որ մենք Ղարաբաղյան շարժումը պետք է չշարունակենք և չենք շարունակելու, դրանից հետո զեն...
Գեներալ Կարապետյանն ասում է` «Հայ ժողովուրդը եղել է, կա և լինելու է». ՀՃԿ անդամ
Պատերազմի ընթացքում ՀԱՊԿ-ին դիմելու փաստաթուղթը պատրաստել էինք ես և Վաղարշակ Հարությունյանը․ Արշակ Կ...
«Իմ սիրտն ազատ չէ». Դիմա Բիլանը խոսել է անձնական կյանքից
Պատվիրակություններ աշխատում են, վարդերի ու բանջարեղենի առաջին խմբաքանակն արդեն դուրս է եկել. Նիկոլ Փ...
Կամ մերժում եք 16֊ին, կամ առանց պատասխան տալու հանձնելու են Հայաստանը․ ՀՃՇ
44-օրյա պատերազմում անհայտ կորած բժիշկ Հրանտ Պապիկյանի քույրը՝ բժշկուհի Արփինե Սողոյանը, որին քաշքշե...
Իրանական ճգնաժամի ֆոնին՝ Ավստրալիայում վառելիքի պաշարները հասել են ռեկորդային մակարդակի
Մեծ քանակությամբ զենք-զինամթերքի կամավոր հանձնումներ՝ Արմավիրի և Արտաշատի համայնքային ոստիկանների բա...
Ինչու՞ է Ադրբեջանը հետախուզում հայտարարել Սամվել Կարապետյանի նկատմամբ, որովհետև նա հայանպաստ գործուն...