Մի՛ սպասեք, մինչև ողբերգությունը ձեր տունը մտնի. «Համախմբում» շարժումը բողոքի ակցիա է սկսում

Անցած մի քանի օրերին, մենք շատերս անասելի ցավ ու վիշտ ենք ապրել, ականատես լինելով մեր զինվորների ողբերգական մահվանը, և տեսնելով նաև, թե ինչպես է գործող իշխանությունը փորձում կոծկել այն, ուղղորդել քննությունը, մեղադրել ում ասես, ներառյալ նույնիսկ անմեղ զոհված մեր զինվորներին, և իր վրայից հերթական անգամ գցել պատասխանատվությունը:

 

Ձեզնից շատերը, վրդովված տեղի ունեցողով, այս օրերին գրել են ինձ, պահանջելով և կոչ անելով բողոքի դուրս գալ այս իշխանությունների դեմ, որպեսզի նրանք վերջապես պատասխանատվություն ստանձնեն իրենց ձախողումների համար, որպեսզի նույնը չկրկնվի յուրաքանչյուրիս որդու հետ, որպեսզի մենք ի վերջո անվտանգ երկիր ունենաք, և վստահությամբ նայենք դեպի ապագա:

 

Անսալով ձեր պահանջին, այսօր, Հունվարի 23-ին, ժամը` 14:00-ին մեր «Համախմբում» շարժումը ՀՀ կառավարության շենքի դիմաց անց է կացնելու բողոքի գործողություն։

 

Խնդրում եմ յուրաքանչյուրիդ, ով մտահոգ է մեր երկրի և մեր զավակների ճակատագրով՝

Մի՛ եղեք այլևս անտարբեր,

Մի՛ սպասեք, մինչև ողբերգությունը ձեր տունը մտնի,

Միացե՛ք այսօր մեր բողոքին: