Խորը ափսոսանքով ընդունեցի զոհվածների և վիրավորների մասին լուրերը. Ալիևը ցավակցել է

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ադրբեջանի նախագահ Իլհամ Ալիևը ցավակցական հեռագրեր է հղել ՌԴ նախագահ Վլադիմիր Պուտինին և ՌԴ Դաղստանի Հանրապետության ղեկավար Սերգեյ Մելիքովին՝ Մախաչկալայի գազալցակայանում տեղի ունեցած պայթյունի կապակցությամբ, որը բազմաթիվ զոհերի պատճառ է դարձել։

Վլադիմիր Պուտինին ուղղված ցավակցական հեռագրում ասվում է.

«Խորապես վշտացած եմ Մախաչկալայի գազալցակայանում տեղի ունեցած պայթյունի հետևանքով բազմաթիվ մարդկային զոհերի լուրից։ Ադրբեջանի ժողովրդի և անձամբ իմ անունից անկեղծ ցավակցություն եմ հայտնում ձեզ, զոհվածների ընտանիքներին և ընկերներին, իսկ բոլոր վիրավորներին մաղթում եմ շուտափույթ ապաքինում»։

Սերգեյ Մելիքովին ուղղված ցավակցական հեռագրում ասվում է. 

«Խորը ափսոսանքով ընդունեցի Մախաչկալայի գազալցակայանում տեղի ունեցած պայթյունի հետևանքով զոհվածների և վիրավորների մասին լուրերը։ Կիսելով անդառնալի կորստի վիշտը, Ադրբեջանի ժողովրդի և անձամբ իմ անունից անկեղծ ցավակցություն եմ հայտնում Ձեզ, զոհվածների ընտանիքներին և ընկերներին, ողջ Դաղստանի ժողովրդին։ Բոլոր վիրավորներին մաղթում եմ շուտափույթ ապաքինում»։