Ադրբեջանը համաձայն է բացել Լաչինի և Աղդամի ճանապարհները. Հաջիզադե

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Նյութի թարգմանությունը՝  Pressmedia.am-ի:

Կարմիր խաչի միջազգային կոմիտեի (ԿԽՄԿ) միջոցով համաձայնեցվել են Աղդամ-Ստեփանակերտ և Լաչին ճանապարհների միաժամանակյա օգտագործման պայմանները։ Ինչպես երեքշաբթի հաղորդել է Trend-ը, այս մասին հայտարարել է Ադրբեջանի ԱԳՆ մամուլի քարտուղար  Հաջիզադեն։

«Ինչպես գիտեք, այսօր Ադրբեջանի Կարմիր Խաչի  ընկերության հետ համատեղ ապահովվել է Ռուսաստանի Կարմիր Խաչի ընկերության (ROSC) բեռնատարի անցումը Ակնա (Ագդամ)-Ստեփանակերտ (Խանքենդի) ճանապարհով դեպի Ստեփանակերտ։ Այն, որ բեռը ուղարկվել է հենց Աղդամ-Ստեփանակերտ ճանապարհով, մենք համարում ենք դրական քայլ և կարևոր տեղաշարժ դեպի այս ճանապարհի բացումը։

Ակնա-Ստեփանակերտ ճանապարհի և Լաչին ճանապարհի միաժամանակյա օգտագործման հետ կապված, ինչպես Ադրբեջանը նշել է ԱՄՆ-ի և այլ գործընկերների հետ բարձր մակարդակի շփումների ժամանակ, Բաքուն համաձայնել է այս երկու ճանապարհների միաժամանակյա օգտագործմանը Կարմիր Խաչի միջազգային կոմիտեի միջոցով։

Մենք ևս մեկ անգամ հայտարարում ենք, որ ադրբեջանական կողմը պատրաստ է պայմաններ ստեղծել ԿԽՄԿ-ով բեռների փոխադրման համար Լաչինի սահմանային անցակետով՝ սահմանային և մաքսային ընթացակարգերին համապատասխան՝ Ակնա-Ստեփանակերտ ճանապարհի օգտագործմանը զուգահեռ», - ասել է Հաջիզադեն: