Ղազախստանում 4,3 մագնիտուդով երկրաշարժ է գրանցվել

Ղազախստանի տարածքում՝ Կարագանդայի շրջանում, երկրաշարժ է տեղի ունեցել, տեղեկացնում է Tengrinews.kz-ը։

Ինչպես նշվում է՝ ստորգետնյա ցնցումները գրանցվել են երկրի ԱԻՆ սեյսմիկ կայանների ցանցի կողմից՝ հունվարի 6-ին՝ Ալմաթիի ժամանակով 14:26-ին։

«Երկրաշարժի էպիկենտրոնը գտնվում է Ալմաթիից 516 կմ հյուսիս՝ Ղազախստանի տարածքում»,- ասվում է հաղորդագրության մեջ։

Հաղորդվում է նաև, որ էպիկենտրոնը գտնվում է Կարագանդայի շրջանում։ Երկրաշարժի էներգետիկ դասը 9.1 է։ Մագնիտուդը՝ 4.3, խորությունը՝ 15 կմ։