Մեսսին մեկնաբանել է «Ինտեր Մայամիի» վաղաժամ չեմպիոնությունը MLS-ի կանոնավոր առաջնությունում

«Ինտեր Մայամիի» արգենտինացի հարձակվող Լիոնել Մեսսին «Կոլամբուս Քրյուի» հետ հաղթական խաղից հետո խոսել է MLS-ի կանոնավոր առաջնությունում վաղաժամ չեմպիոնության մասին։ Հանդիպումն ավարտվել է 3։2 հաշվով՝ հօգուտ հյուրերի։

«Մեր առաջին նպատակը կատարվել է։ Մենք շատ հպարտ ենք մեր թիմով, շարունակում ենք առաջ շարժվել միասին ավելիին հասնելու ցանկությամբ»,- գրել է Մեսսին սոցցանցի իր էջում:

Հիշեցնենք, որ Մեսսին «Ինտեր Մայամի» է տեղափոխվել 2023 թվականի ամռանը։ Այս ընթացքում արգենտինացին ակումբի կազմում մասնակցել է 34 հանդիպման, որոնցում դարձել է 30 գոլի և 17 գոլային փոխանցման հեղինակ։