«Հայաքվե» ազգային քաղաքացիական միավորումը Գյումրի քաղաքում կազմակերպելու է «Ազատ ընտրությունների դերը ժողովրդավարական հասարակությունում» թեմայով անվճար դասընթաց

«Հայաքվե» ազգային քաղաքացիական միավորումը, կարևորելով ժողովրդավարական կարգերի հաստատումը և քաղաքացիական հասարակության զարգացումը ՀՀ-ում, 2025 թ․ մարտի 15-16-ին Շիրակի մարզի Գյումրի քաղաքում կազմակերպելու է «Ազատ ընտրությունների դերը ժողովրդավարական հասարակությունում» թեմայով անվճար դասընթաց, որը վարելու են ոլորտի փորձառու և լավագույն մասնագետները:

Դասընթացի մասնակիցներին տրամադրվելու են մասնակցությունը հավաստող վկայականներ:

•Դասընթացի մասնակիցները հնարավորություն կստանան նաև դիտորդական աշխատանք իրականացնելու ինչպես 2025 թ․ մարտի 30-ին կայանալիք Գյումրի համայնքի ավագանու արտահերթ, այնպես էլ համապետական ընտրությունների ժամանակ:

Դասընթացին մասնակցել ցանկացողները կարող են լրացնել կից հղմամբ տրված հայտը մինչև ս.թ. մարտի 10-ը ներառյալ: Հարցերի դեպքում կարող եք զանգահարել +374 33 97 82 81 հեռախոսահամարով: