Ակադեմիական քաղաքի շրջանակներում ազգային ստադիոնի առաջարկն արդեն կոնկրետանում է. ԿԳՄՍ նախարար
Տեղյակ եք, որ Ակադեմիական քաղաքի շրջանակներում ազգային ստադիոնի առաջարկը կա, որն արդեն կոնկրետանում է, և մենք հույս ունենք, որովհետև կան հետաքրքրված ներդրողներ, որ այս մասով էլ կունենանք էական առաջընթաց, ինչը հնարավորություն կտա մինչև 35 հազար տեղանոց ստադիոն ունենալ և այստեղ նաև հյուրընկալել այն խաղերը, որոնք թույլ են տալու միջազգային խոշոր մրցաշարեր անցկացնել մեր երկրում: Այդ մասին ԱԺ-ում ասաց ԿԳՄՍ նախարար Ժաննա Անդրեասյանը՝ պատասխանելով պատգամավոր Գեղամ Նազարյանի՝ ստադիոնների վերաբերյալ հարցին:
«Ունենք նաև մասնավորի կողմից առաջարկ հավելյալ ստադիոնի մասով, որը նախատեսվում է Վաղարշապատ համայնքում, և այստեղ էլ Կառավարության որոշումը վերջնական փուլում է, և հուսամ, որ առաջիկա մեկ-երկու շաբաթում կունենանք այս որոշման ընդունումը, ինչը կապահովի առնվազն երեք ժամանակակից ստադիոնների առկայություն մեր երկրում»,- նշեց նախարարը:
Ինչ վերաբերում է արդեն իսկ մեր ունեցած ստադիոններին, ապա Ժաննա Անդրեասյանը հիշեցրեց, որ Հանրապետական մարզադաշտը համապատասխան ընթակարգերով կառավարվում է ֆեդերացիայի կողմից, դրա հարակից տարածքի հետ կապված քննարկումներ են եղել, կան իրավական գործընթացներ: «Կան առաջարկներ, հուսանք՝ առաջիկայում այս մասով կունենանք որոշակի լուծումներ»,- ասաց նա:
Հրազդան մարզադաշտի հետ կապված ևս որոշակի իրավական գործընթացներ կան, այստեղ նաև սեփականության հարց կա, մասնավորի սեփականություն է մարզադաշտը, իրավական գործընթացների շրջանակներում որոշ քննարկումներ ընթանում են:
«Մենք հուսով ենք, որ «Հրազդան» մարզադաշտի մասով էլ կունենանք այնպիսի լուծում, որը կբերի մարզադաշտի՝ որպես սպորտային ենթակառուցվածքի, լիարժեք օգտագործման: Ստադիոնն ունի վերակառուցման կարիք, նույնիսկ սեփականության հարցերի հստակեցման պարագայում անհրաժեշտ է հասկանալ՝ ինչ ներդրումների անհրաժեշտություն կա: Այս պահին մեր առաջնահերթությունը նոր ենթակառուցվածքների զարգացումն է»,- նշեց ԿԳՄՍ նախարարը:
Ես հայտարարեցի, որ մենք Ղարաբաղյան շարժումը պետք է չշարունակենք և չենք շարունակելու, դրանից հետո զեն...
«Իմ սիրտն ազատ չէ». Դիմա Բիլանը խոսել է անձնական կյանքից
Պատերազմի ընթացքում ՀԱՊԿ-ին դիմելու փաստաթուղթը պատրաստել էինք ես և Վաղարշակ Հարությունյանը․ Արշակ Կ...
Իրանական ճգնաժամի ֆոնին՝ Ավստրալիայում վառելիքի պաշարները հասել են ռեկորդային մակարդակի
Գեներալ Կարապետյանն ասում է` «Հայ ժողովուրդը եղել է, կա և լինելու է». ՀՃԿ անդամ
44-օրյա պատերազմում անհայտ կորած բժիշկ Հրանտ Պապիկյանի քույրը՝ բժշկուհի Արփինե Սողոյանը, որին քաշքշե...
Մեծ քանակությամբ զենք-զինամթերքի կամավոր հանձնումներ՝ Արմավիրի և Արտաշատի համայնքային ոստիկանների բա...
Ուժեղ Հայաստան -ի ընկերներով օրհնություն ենք ստանում Սրբազանից
Ինչու՞ է Ադրբեջանը հետախուզում հայտարարել Սամվել Կարապետյանի նկատմամբ, որովհետև նա հայանպաստ գործուն...
Պատվիրակություններ աշխատում են, վարդերի ու բանջարեղենի առաջին խմբաքանակն արդեն դուրս է եկել. Նիկոլ Փ...