«Համահայկական ճակատ» շարժման առաջնորդի շնորհավորական ուղերձը Աշխատանքի օրվա առթիվ
Սիրելի հայրենակիցնե՜ր
Սրտանց շնորհավորում եմ Ձեզ Աշխատանքի օրվա՝ մայիսի 1-ի առթիվ, տոն, որը միավորում է բոլոր նրանց, ովքեր իրենց ամենօրյա աշխատանքով նպաստում են Հայաստանի Հանրապետության զարգացմանն ու բարգավաճմանը։ Շնորհավորում եմ Հայաստանի արհմիությունների կոնֆեդերացիային, ոլորտային և հասարակական արհմիութենական կազմակերպություններին այս նշանակալի օրվա կապակցությամբ։
Աշխատասիրությունը, տոկունությունն ու նվիրվածությունն իրենց գործին դարեր շարունակ եղել են հայ ժողովրդի անբաժանելի հատկանիշները։ Ձեր մասնագիտական կարողությունների, պատասխանատվության և ստեղծագործ աշխատանքի շնորհիվ տարիներ շարունակ հետևողականորեն զարգացել է երկրի տնտեսությունը, ամրապնդվել են պետականության հիմքերը, պահպանվելհարուստ մշակութային ժառանգությունը և ձևավորվել նոր հնարավորություններ ապագա սերունդների համար՝ ինչպես Հայաստանի Հանրապետությունում, այնպես էլ սփյուռքում՝ ամբողջ աշխարհում։
Այսօր մեր երկիրը և ժողովուրդը անցնում են բարդ փորձությունների միջով, ապրում մի ժամանակաշրջանում, որը պահանջում է համախմբվածություն, կշռադատված որոշումներ և ներքին ուժ։ Ժամանակակից մարտահրավերների պայմաններում առավել կարևոր են դառնում համերաշխությունը, փոխադարձ աջակցությունն ու յուրաքանչյուրի պատրաստակամությունը՝ ներդրում ունենալու ընդհանուր գործում։ Հենց նման ժամանակներում է ձևավորվում կայուն զարգացման ամուր հիմքը և ամրապնդվում է վստահությունը ապագայի նկատմամբ։
Այսօր առավել քան երբևէ կարևոր է բարձր գնահատել յուրաքանչյուրի աշխատանքը՝ աշխատողի և ձեռնարկատիրոջ, ուսուցչի և բժշկի, ինժեների և գյուղացու, բոլոր նրանց, ովքեր բարեխղճորեն աշխատում են հանուն մեր հայրենիքի բարօրության։ Ձեր ամենօրյա աշխատանքը հանդիսանում է կայունության, առաջընթացի և պետականության ամրապնդման հիմքը։
Սրտանց մաղթում եմ Ձեզ քաջառողջություն, խաղաղություն, բարեկեցություն և նոր մասնագիտական հաջողություններ։ Թող Ձեր աշխատանքը բերի արժանի արդյունքներ, վաստակած գնահատանք և վստահություն վաղվա օրվա նկատմամբ։ Թող Ձեր ընտանիքներում տիրեն համերաշխություն և բարեկեցություն, իսկ Հայաստանի Հանրապետությունը, հենվելով իր ժողովրդի միասնության և ստեղծարար ներուժի վրա, վստահորեն հաղթահարի ժամանակի մարտահրավերները և շարունակի շարժվել կայուն ու շարունակական զարգացման ուղով։
Շնորհավոր տոնդ աշխատավոր ժողովուրդ:
«Համահայկական ճակատ» շարժման առաջնորդ
գեներալ-մայոր Արշակ Կարապետյան
Ես հայտարարեցի, որ մենք Ղարաբաղյան շարժումը պետք է չշարունակենք և չենք շարունակելու, դրանից հետո զեն...
Գեներալ Կարապետյանն ասում է` «Հայ ժողովուրդը եղել է, կա և լինելու է». ՀՃԿ անդամ
«Իմ սիրտն ազատ չէ». Դիմա Բիլանը խոսել է անձնական կյանքից
Պատերազմի ընթացքում ՀԱՊԿ-ին դիմելու փաստաթուղթը պատրաստել էինք ես և Վաղարշակ Հարությունյանը․ Արշակ Կ...
Իրանական ճգնաժամի ֆոնին՝ Ավստրալիայում վառելիքի պաշարները հասել են ռեկորդային մակարդակի
44-օրյա պատերազմում անհայտ կորած բժիշկ Հրանտ Պապիկյանի քույրը՝ բժշկուհի Արփինե Սողոյանը, որին քաշքշե...
Մեծ քանակությամբ զենք-զինամթերքի կամավոր հանձնումներ՝ Արմավիրի և Արտաշատի համայնքային ոստիկանների բա...
Պատվիրակություններ աշխատում են, վարդերի ու բանջարեղենի առաջին խմբաքանակն արդեն դուրս է եկել. Նիկոլ Փ...
Ուժեղ Հայաստան -ի ընկերներով օրհնություն ենք ստանում Սրբազանից
Ինչու՞ է Ադրբեջանը հետախուզում հայտարարել Սամվել Կարապետյանի նկատմամբ, որովհետև նա հայանպաստ գործուն...