Հայաստանը վերջնականապես փչացնում է հարաբերությունները Բելառուսի հետ
Հայաստանը վերջնականապես փչացնում է հարաբերությունները Բելառուսի հետ։ Եվրոպական քաղաքական համայնքի գագաթնաժողովին բելառուսական ընդդիմության առաջնորդ Սվետլանա Տիխանովսկայային հրավիրելը, տարբեր, այդ թվում՝ պետական ԶԼՄ-ներում նրա հարցազրույցները կազմակերպելը, նաև Երևանից հնչող հայտարարությունները, ըստ էության, չէին կարող անարձագանք մնալ պաշտոնական Մինսկի կողմից։ Երեկ Բելառուսի արտաքին գործերի նախարարությունը կանչել է Բելառուսում Հայաստանի գործերի ժամանակավոր հավատարմատար Արթուր Սարգսյանին և նրան հանձնել բողոքի նոտա՝ «ոչ բարեկամական քայլերի» կապակցությամբ։
Բելառուսական կողմի դժգոհության պատճառ են դարձել ՀՀ Ազգային ժողովի նախագահի վերջին հայտարարությունները, որտեղ նա նշել էր, որ Հայաստանը չպետք է «կառավարվի ինչպես Բելառուսը»։ Բելառուսի ԱԳՆ-ում այդ հայտարարությունները որակել են որպես «նախընտրական պոպուլիզմ» և փորձ՝ շեղելու ուշադրությունը ներքին խնդիրներից։ Բելառուսի արտաքին քաղաքական գերատեսչությունը նաև ընդգծել է, որ երկիրը ինքնուրույն է որոշում իր դաշնակցային հարաբերությունները Ռուսաստանի հետ և չի ընդունում արտաքին միջամտություն։ Ինքը՝ Սիմոնյանը ոչ միայն չի հերքել կամ խմբագրել իր խոսքերը, այլև արդեն այսօր կրկնել է դրանք։
«Ես կարծում եմ՝ Հայաստանի, ՀԱՊԿ-ում գործընկերոջ և ՀՀ պետականության նկատմամբ անհարգալից վերաբերմունքն է վատացնում հարաբերությունները. Ադրբեջանի հետ 44-օրյա պատերազմ նախապատրաստելն է վատացնում հարաբերությունները»,- ասել է նա։
ՀՀ Ազգային ժողովի նախագահը շեշտել է, որ քաղաքական կուրսն ամեն պետության ընտրության հարցն է. «ՀՀ-ի համար մարդու իրավունքներն ու ազատությունները կարևորագույն արժեքներ են, և ես կարծում եմ՝ ամեն պետություն իր օրինակն է ընտրում։ Մենք ընտրել ենք ՀՀ ժողովրդավարացման ճանապարհը»։
Երևանի և Մինսկի միջև հարաբերությունները զգալիորեն վատթարացել են 2024-ին Բելառուսի նախագահ Ալեքսանդր Լուկաշենկոյի Ադրբեջան կատարած այցից և Լեռնային Ղարաբաղում 44-օրյա պատերազմի վերաբերյալ նրա հայտարարություններից հետո։ Այդ ժամանակ վարչապետ Նիկոլ Փաշինյանը հայտարարել էր, որ քանի դեռ Լուկաշենկոն իշխանության գլուխ է, ոչ մի հայ պաշտոնյա չի այցելի Մինսկ։
Սոնա Գալստյան
Ես հայտարարեցի, որ մենք Ղարաբաղյան շարժումը պետք է չշարունակենք և չենք շարունակելու, դրանից հետո զեն...
Գեներալ Կարապետյանն ասում է` «Հայ ժողովուրդը եղել է, կա և լինելու է». ՀՃԿ անդամ
«Իմ սիրտն ազատ չէ». Դիմա Բիլանը խոսել է անձնական կյանքից
Պատերազմի ընթացքում ՀԱՊԿ-ին դիմելու փաստաթուղթը պատրաստել էինք ես և Վաղարշակ Հարությունյանը․ Արշակ Կ...
Իրանական ճգնաժամի ֆոնին՝ Ավստրալիայում վառելիքի պաշարները հասել են ռեկորդային մակարդակի
44-օրյա պատերազմում անհայտ կորած բժիշկ Հրանտ Պապիկյանի քույրը՝ բժշկուհի Արփինե Սողոյանը, որին քաշքշե...
Մեծ քանակությամբ զենք-զինամթերքի կամավոր հանձնումներ՝ Արմավիրի և Արտաշատի համայնքային ոստիկանների բա...
Պատվիրակություններ աշխատում են, վարդերի ու բանջարեղենի առաջին խմբաքանակն արդեն դուրս է եկել. Նիկոլ Փ...
Ուժեղ Հայաստան -ի ընկերներով օրհնություն ենք ստանում Սրբազանից
Ինչու՞ է Ադրբեջանը հետախուզում հայտարարել Սամվել Կարապետյանի նկատմամբ, որովհետև նա հայանպաստ գործուն...