Հայտնի է «Աթլետիկոյում» Կավանիի աշխատավարձի չափը

Ֆրանսիայի չեմպիոն ՊՍԺ-ի և Ուրուգվայի ազգային հավաքականի հարձակվող Էդինսոն Կավանին համաձայնության է եկել Մադրիդի «Աթլետիկո» տեղափոխության հարցում, հայտնում է AS-ը:

32-ամյա Կավանին «Աթլետիկոյի» հետ կկնքի 3 տարվա պայմանագիր՝ տարեկան 12 միլիոն եվրո աշխատավարձով:

Սպասվում է, որ Կավանիի տեղափոխության մասին «Աթլետիկոն» պաշտոնապես կհայտարարի առաջիկա օրերի ընթացքում:

Էդինսոն Կավանին ՊՍԺ-ում հանդես է գալիս 2013 թվականից: Ֆրանսիական ակումբն ուրուգվայցի հարձակվողի տեղափոխության դիմաց «Նապոլիին» վճարել է 64.5 միլիոն եվրո:

Ֆրանսիայի ընթացիկ առաջնությունում Կավանին մասնակցել է 8 հանդիպման՝ դառնալով 2 գոլի հեղինակ: