«Դեպի ճամբարը» կունենա նոր եթերաշրջան
«Դեպի ճամբար» հումորային նախագիծը կունենա նոր եթերաշրջան: Գրիգոր Դանիելյանի և Գարիկ Սեփխանյանի դեբյուտային պրոդյուսերական աշխատանքն առաջին եթերաշրջանում հաջողեց, ուստի՝ նրանք որոշեցին, որ պատմությունը կունենա շարունակություն:
Նախագծի պրոդյուսեր Գրիգոր Դանիելյանը նախագծի նոր եթերաշրջանի մանրամասները վստահել է Tert.am Life-ին:
«Քանի որ նախագիծը շատ սիրվեց, որոշեցինք, որ այն կունենա նոր եթերաշրջան: Հիմա սցենարային աշխատանքներն ենք տանում»,- հայտնեց Գրիգորը ու հավելեց, որ նոր եթերաշրջանը եթերում կլինի ոչ թե գարնանային, այլ աշնանային եթերաշրջանում:

«Նկարահանումները կրկին մարզում պետք է անենք: «Արմենիա TV»-ն առաջարկել էր, որպեսզի այս շրջանում նկարահանենք նոր եթերաշրջանը, սակայն հասկացանք, որ երեխաների համար կարող է շատ բարդ լինել: Հիմա ձմեռ է, մեծ դերասանները, իհարկե, կարող էին դիմանալ եղանակային պայմաններին, բայց երեխաները հաստատ հիվանդանալու էին, նկարահանումումներից գնայինք հիվանդանոց: Որոշեցինք, որ ավելի լավ կլինի, եթե ամռանը շարունակենք նկարահանումները և եթերում լինենք հոկտեմբերից»,- ասաց Գրիգորը:
Սիթքոմի դերասանական կազմն ու կերպարները կպահպանվեն, սակայն ստեղծագործական թիմը մտածում է համալրումների մասին. «Ուզում ենք քասթինգ անել հետաքրքիր նոր կերպարներ գտնելու և պատմությունը համալրելու համար: Դեռ չգիտեմ՝ հստակ ինչ փոփոխություններ կանենք, քանի որ մենք էլ աշխատանքային ընթացքի մեջ ենք: Հստակ է այն, որ հաջորդ եթերաշրջանը 12-ի փոխարեն 24 մասից բաղկացած կլինի: Հեռուստադիտողները շատ էին բողոքում, որ եթերաշրջանը կարճ տևեց, որոշեցինք, որ հաջորդն ավելի երկար կտևի»:
Դերասանը նկատեց, որ այս տարին աշխատանքային առումով շատ հագեցած է լինելու: Հեռուստադիտողներն միայն այս աշխատանքը չէ, որ ներկայացնելու են, սակայն մյուս նախագծերի մասին կխոսի ավելի ուշ:


























Ես հայտարարեցի, որ մենք Ղարաբաղյան շարժումը պետք է չշարունակենք և չենք շարունակելու, դրանից հետո զեն...
44-օրյա պատերազմում անհայտ կորած բժիշկ Հրանտ Պապիկյանի քույրը՝ բժշկուհի Արփինե Սողոյանը, որին քաշքշե...
Ինչու՞ է Ադրբեջանը հետախուզում հայտարարել Սամվել Կարապետյանի նկատմամբ, որովհետև նա հայանպաստ գործուն...
Պատերազմի ընթացքում ՀԱՊԿ-ին դիմելու փաստաթուղթը պատրաստել էինք ես և Վաղարշակ Հարությունյանը․ Արշակ Կ...
Պատվիրակություններ աշխատում են, վարդերի ու բանջարեղենի առաջին խմբաքանակն արդեն դուրս է եկել. Նիկոլ Փ...
«Նույնիսկ թշնամիներն են նախանձում». Զախարովան մեկնաբանել է Լավրովի մոտալուտ հրաժարականի մասին լուրեր...
Գեներալ Կարապետյանն ասում է` «Հայ ժողովուրդը եղել է, կա և լինելու է». ՀՃԿ անդամ
Մեծ քանակությամբ զենք-զինամթերքի կամավոր հանձնումներ՝ Արմավիրի և Արտաշատի համայնքային ոստիկանների բա...
Նիկոլ Փաշինյան, այսօր Հ1-ի բանավեճն օգտագործեք և հերքե'ք իմ պնդումը, այլապես կարող եք դատի տալ․ Լիլյ...
Կամ մերժում եք 16֊ին, կամ առանց պատասխան տալու հանձնելու են Հայաստանը․ ՀՃՇ