42 շաբաթից ավելի տեւող հղիությունը կարող է վտանգավոր լինել. հետազոտություն

Շվեդիայի Gothenburg’s Sahlgrenska համալսարանական հիվանդանոցի գիտնականները փորձել են պարզել, թե ինչ է կատարվում մոր եւ երեխայի օրգանիզմում 41 եւ 42 շաբաթ տեւող հղիության դեպքում։ Հետազոտողները հետեւել են ժամանակից երկար տեւած հղիություններին 2016 թվականին, բայց 2018 թվականի աշնանը փորձը դադարեցվել է 6 երեխաների մահվանից հետո։

Բոլոր ապագա մայրերին հետազոտության ժամանակ բաժանել են երկու խմբի՝ առաջինների մոտ ծննդաբերությունն սկսվել է 41 շաբաթական եւ մի քանի օրում, իսկ երկրորդների մոտ՝ 42 շաբաթական եւ մի քանի օրում։ Բոլոր մահացած փոքրիկները ծնվել են երկրորդ խմբի կանանց մոտ, ընդ որում՝ նրանցից հինգը մահացել է դեռ մոր արգանդում, տեղեկացնում է բրիտանական The Guardian թերթը։

Բժիշկները կարծում են, որ ժամանակից երկար տեւած հղիությունը վտանգավոր է նրանով, որ երեխան շատ խոշոր կլինի, ինչն, իր հերթին, կարող է մոր մոտ հեշտոցի պատռվածք եւ հետծննդյան արնահոսություն առաջացնել։ 

Ավելին