Բիթքոինի փոխարժեքը թարմացրել է պատմական ռեկորդը` հասնելով 64 000 դոլարի

Ամբողջ աշխարհում ամենահայտնի թվային արժույթի՝ բիթքոինի փոխարժեքը հասել է 64 հազար դոլարի: Ինչպես հայտնում է ՏԱՍՍ գործակալությունը՝ ներկայացնելով առևտրային աճուրդի տվյալները, թվային արժույթի գինն աճել է 0,65 տոկոսով:

Այսպիսով, բիթքոինի փոխարժեքը կրկին պատմական ռեկորդային ցուցանիշ է գրանցել: Թվային արժույթը թանկանում է ԱՄՆ-ի խոշորագույն Coinbase թվային բորսայում կայանալիք IPO-ի (նախնական հանրային առաջարկներ) ֆոնին: Բորսայի արժեթղթերի վաճառքի առաջին նախնական առաջարկները Nasdaq գործակիցների ինդեքսում նախատեսված է ապրիլի 14-ին:

Բիթքոինը համանուն թվային արժույթի ապակենտրոնացված համակարգ է, որը գործում է բլոքչեյն տեխնոլոգիայի հիման վրա: Թվային արժույթը կարող է «արդյունահանել» համակարգի յուրաքանչյուր օգտատեր: Դրա համար անհրաժեշտ է նոր բլոկներ ստեղծել համակարգում: