Բիթքոինի արժեքը կտրուկ ընկել է

Առևտրային ծավալի առումով աշխարհի ամենամեծ կրիպտոարժույթի փոխանակման բորսայում՝ Binance-ում, բիթքոինի արժեքը կտրուկ անկում է գրանցել:

Այս մասին են վկայում CoinDesk-ի տվյալները:

Նշվում է, որ Binance-ում բիթքոինի արժեքն ընկել է 17,37 տոկոսով և կազմել 46 900 դոլար:

Կրիպտոարժույթի արժեքը շարունակում է ընկնել: Թե ինչով է դա պայմանավորված, փորձագետները դեռ չեն պարզաբանել:

Ինչպես ավելի վաղ տեղեկացրել էր Tert.am-ը, միլիարդատեր Իլոն Մասկին պատկանող ամերիկյան Tesla ընկերությունը դադարեցնում է բիթքոինի օգտագործումն իր արտադրած մեքենաների վաճառքի համար: