Հայ շախմատիստուհիները հաղթանակ են տոնել Եվրոպայի առաջնության չորրորդ տուրում

Հայ շախմատիստուհիներ Էլինա Դանիելյանը, Լիլիթ Մկրտչյանը և Աննա Սարգսյանը հաղթել են Եվրոպայի առաջնության չորրորդ տուրում, հայտնում է Հայաստանի շախմատի ֆեդերացիան։

Շախմատիստուհիներ Մարիամ Մկրտչյանն ու Սուսաննա Գաբոյանն իրենց պարտիաներն ավարտել են ոչ-ոքի:

Լիլիթ Մկրտչյանն ու Էլինա Դանիելյանը չորս հնարավորից վաստակել են 3,5 միավոր և զբաղեցնում են համապատասխանաբար չորրորդ և յոթերորդ տեղերը։ Շախմատի Եվրոպայի կանանց առաջնությունն անցկացվում է մարտի 17-30-ը Չեռնոգորիայի Պետրովաց քաղաքում, որին մասնակցում են 35 երկրների 140 շախմատիստներ։

Հայաստանը առաջնությունում ներկայացված է 6 շախմատիստով։