Ստամբուլի իշխանությունները զգուշացնում են փոթորկի մասին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Թուրքիայի Ստամբուլ նահանգի իշխանությունները քաղաքացիներին զգուշացրել են կիրակի օրը սպասվող փոթորկի մասին։

«Օդերևութաբանները կանխատեսում են, որ կիրակի կեսօրից հետո Մարմարայի շրջանը կենթարկվի փոթորկի՝ ժամում մինչև 50-75 կիլոմետր արագությամբ», – ասվում է նահանգի ղեկավարության մամուլի հաղորդագրության մեջ:

Քամին կնվազի միայն երկուշաբթի օրը։

Չորեքշաբթի գիշերը Ստամբուլում տեղացել են վերջին ամիսների առաջին տեղումները՝ հատկապես ազդելով հյուսիսում գտնվող Առնավութքոյ և Բաշաքշեհիր շրջանների վրա, ինչպես նաև Նոր օդանավակայանի շրջակայքի վրա: Հսկայական խցանումներ են առաջացել, ջրհեղեղ է գրանցվել մետրոյում, առևտրի կենտրոններում և այգիներում, մարդիկ արգելափակվել են շենքերում ջրի հոսքերի պատճառով։ Աղետի հետեւանքով երկու մարդ զոհվել է, 12-ը՝ վիրավորվել։