Գազայի հատվածում զոհված իսրայելցի զինվորների թիվը հասել է 600-ի

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Գազայի հատվածում պատերազմի ժամանակ զոհված իսրայելցի զինվորների թիվը հասել է 600-ի, հայտնում է AFP-ն՝ վկայակոչելով Իսրայելի պաշտպանության բանակը: Նրա խոսքով՝ 20-ամյա զինծառայող Նադավա Քոհենը սպանվել է վերջին 24 ժամվա ընթացքում։ Նրա մահվան հանգամանքները չեն հաղորդվում։

Իսրայելի և պաղեստինյան ՀԱՄԱՍ շարժման միջև պատերազմը շարունակվում է 2023 թվականի հոկտեմբերի 7-ից։ Իսրայելը հաղորդել է ընդհանուր 1,4 հազար զոհի մասին, Պաղեստինի իշխանությունները հայտնել են, որ Գազայում զոհվել է ավելի քան 32 հազար մարդ:

2024 թվականի փետրվարին հակամարտող կողմերը, ինչպես նաև Եգիպտոսի, Կատարի և ԱՄՆ-ի ներկայացուցիչները հանդիպել են Դոհայում՝ քննարկելու զինադադարը: Անցյալ շաբաթ ՄԱԿ-ի Անվտանգության խորհուրդը բանաձև է ընդունել, որով կոչ է անում դադարեցնել կրակը Գազայում։