«Հայաստան- Արցախ» երիտասարդական միության խաղային լիգայի շրջանակներում կազմակերպվում է ֆուտբոլի առաջնություն

Սիրելի՛ երիտասարդներ,

«Հայաստան- Արցախ» երիտասարդական միության խաղային լիգայի շրջանակներում այս անգամ կազմակերպվում է ֆուտբոլի առաջնություն։ Խաղին կարող են մասնակցել 18 տարին լրացած բոլոր երիտասարդները՝ իրենց ձևավորած 8 հոգուց բաղկացած թիմերով։

Այն երիտասարդներն, ովքեր կգրանցվեն որպես անհատներ՝ կներգրավվեն վիճակահանությամբ ձևավորված թիմերում: Յուրաքանչյուր թիմ պետք է ունենա թիմի ավագ։

Խաղի մասնակցության համար կարող են գրանցվել նաեւ աղջիկներ, քանի որ առանձին առաջնություն կանցկացվի նաեւ աղջիկներից կազմված թիմերի համար։

Խաղի մասնակցության համար հայտեր կարող են ուղարկել բացառապես սիրողական մակարդակի ֆուտբոլասերները և ոչ թե պրոֆեսիոնալ ֆուտբոլիստները:

Յուրաքանչյուր թիմում կազմակերպիչների կողմից ներառված է լինելու նաեւ 1 հայտնի խաղացող ցանկացած ոլորտներից՝ սպորտ, շոու բիզնես, քաղաքականություն եւ այլն:

Առաջին, երկրորդ եւ երրորդ հորիզոնականները զբաղեցրած թիմերը կստանան նվերներ։

Գրանցումների փուլը կավարտվի հոկտեմբերի 10-ին։

Հարցերի համար կարող եք զանգահարել 098-917-008 հեռախոսահամարով կամ գրել մեզ անձնական նամակ մեր ֆեյսբուքյան կամ ինստագրամյան էջերին։