«Սյունիք-Քաջարան» ֆուտբոլային ակումբը՝ ԶՊՄԿ-ի աջակցությամբ, հրավիրում է փոքրիկ ֆուտբոլասերներին

Զանգեզուրի պղնձամոլիբդենային կոմբինատը շարունակում է իր կարևոր առաքելությունը՝ աջակցելով Սյունիքի մարզում սպորտի զարգացմանը։

Նշենք, որ Սյունիք ՖԱ-ում մարզվում է 700` մինչև 18 տարեկան երեխա և դեռահաս, մարզվողների թվաքանակի կտրուկ աճ նկատվել է վերջին 8 ամսում:

Եվ արդեն Քաջարանում ձևավորվում է նոր ֆուտբոլային թիմ՝ «Սյունիք-Քաջարան», որը բացում է իր դռները 8-10 տարեկան երեխաների համար՝ անվճար մարզվելու բացառիկ հնարավորությամբ։

Այս նախաձեռնությունը ոչ միայն հնարավորություն կտա փոքրիկ մարզիկներին զարգացնել իրենց ֆուտբոլային հմտությունները, այլև կնպաստի առողջ ապրելակերպի խթանմանը և թիմային ոգու ձևավորմանը՝ դառնալով նրանց ապագա հաջողությունների հիմքը։

 Ինչպե՞ս միանալ թիմին.

 Քաջարանում՝ դիմել Քաջարանի սպորտային համալիր` Ռոբերտ Շահնազարյանին, կամ` զանգահարել

 093 03 22 42:

 Կապանում՝ կապ հաստատեք «Սյունիք» Ֆ/Ա մանկապատանեկան բաժնի ղեկավար Աշոտ Մանուչարյանի հետ`  094 31 06 10: