Փաշինյանը հանրային միջոցները չարաշահում է անձնական նպատակներով
Մինչ ընդդիմադիր դաշտում չեն դադարում իրար ուտելու գործողությունները, միմյանց գոտկատեղից ներքև հարված հասցնելու քայլերը, Հայաստանի գործող իշխանությունները՝ Նիկոլ Փաշինյանի գլխավորությամբ, ակտիվորեն նախապատրաստում են առաջիկա խորհրդարանական ընտրություններին՝ դրա համար օգտագործելով բոլոր հնարավոր ռեսուրսները։
Այդ թվում՝ չարաշահելով նաև պետական միջոցներով սնվող հանրային լրատվամիջոցների եթերը։ Արդեն մի քանի անգամ Հանրային հեռուստաընկերությունը եթեր է հեռարձակել Աննա Հակոբյանի «Կրթվելը նորաձև է» քննարկումը։ Ընդ որում, երեկ ամբողջությամբ հեռարձակվել է մեկ ժամից ավելի տեղի ունեցած քննարկումը, որի ընթացքում ելույթ են ունեցել միայն Աննա Հակոբյանն ու նրա ամուսինը՝ Նիկոլ Փաշինյանը։ Վերջինս ներկայացրել է իր «Իրական Հայաստանի» կոնցեպտը։
Հայաստանի հանրային հեռուստաընկերությունը հեռարձակվում է հարկատուների գումարներով, միայն 2025 թվականի համար Հանրայինին 6 մլրդ 578 մլն դրամ են փոխանցել իբր հանրության շահերը սպասարկելու համար։ Հանրայինը միշտ էլ եղել է օրվա իշխանությունների վերահսկողության ներքո, բայց Նիկոլ Փաշինյանի օրոք այդ հեռուստաընկերությունը ընդհանրապես դուրս է եկել հանրության վերահսկողությունից։
Քաղաքական հաղորդումները վերածվել են Փաշինյանի իշխանության համար շոուի, հատուկենտ հրավիրյալ ընդդիմադիր գործիչների հետ հարցազրույցներն էլ ավարտվում են սկանդալներով։
Այժմ էլ Հանրային հեռուստաընկերությունը լիովին անվճար հիմունքներով եթեր է հեռարձակում քարոզչական մի հաղորդում։ Ըստ փորձագետների, սա պետական բյուջեի հնարավորությունների օգտագործում է՝ հօգուտ իշխող ուժի։ Եթե Հանրայինը եթեր հեռարձակեր, բացի Փաշինյանից, նաև այլ ընդդիմադիր ուժերի միջոցառումները, դեռ մի կերպ կարելի կլիներ կուլ տալ այս անհեթեթությունը, բայց այն, ինչ փաշինյանական իշխանությունը անում է Հանրային հեռուստաընկերության գլխին, որևէ կերպ չի տեղավորվում «ժողովրդավարության բաստիոնի» մասին պատկերացումներում։ Ուստի, կարելի էր Հանրային հեռուստաընկերությունը անվանափոխել «Նիկոլ Փաշինյանի անձնական TV»-ի։ Դե իսկ Հեռուստատեսության և ռադիոյի հանձնաժողովն անգամ հարկ չի համարի մի ֆսսոց հանել այս կապակցությամբ։
Մարիա Դավոյան
Ես հայտարարեցի, որ մենք Ղարաբաղյան շարժումը պետք է չշարունակենք և չենք շարունակելու, դրանից հետո զեն...
44-օրյա պատերազմում անհայտ կորած բժիշկ Հրանտ Պապիկյանի քույրը՝ բժշկուհի Արփինե Սողոյանը, որին քաշքշե...
Ինչու՞ է Ադրբեջանը հետախուզում հայտարարել Սամվել Կարապետյանի նկատմամբ, որովհետև նա հայանպաստ գործուն...
Պատերազմի ընթացքում ՀԱՊԿ-ին դիմելու փաստաթուղթը պատրաստել էինք ես և Վաղարշակ Հարությունյանը․ Արշակ Կ...
Պատվիրակություններ աշխատում են, վարդերի ու բանջարեղենի առաջին խմբաքանակն արդեն դուրս է եկել. Նիկոլ Փ...
«Նույնիսկ թշնամիներն են նախանձում». Զախարովան մեկնաբանել է Լավրովի մոտալուտ հրաժարականի մասին լուրեր...
Գեներալ Կարապետյանն ասում է` «Հայ ժողովուրդը եղել է, կա և լինելու է». ՀՃԿ անդամ
Մեծ քանակությամբ զենք-զինամթերքի կամավոր հանձնումներ՝ Արմավիրի և Արտաշատի համայնքային ոստիկանների բա...
Նիկոլ Փաշինյան, այսօր Հ1-ի բանավեճն օգտագործեք և հերքե'ք իմ պնդումը, այլապես կարող եք դատի տալ․ Լիլյ...
Կամ մերժում եք 16֊ին, կամ առանց պատասխան տալու հանձնելու են Հայաստանը․ ՀՃՇ