Ոստիկանները բերման են ենթարկել ավազակության համար ՌԴ իրավապահների կողմից հետախուզվողին

ՀՀ ոստիկանության Էրեբունու քրեական հետախույզների և ՃՈ Երևանի հաշվառման-քննչական բաժնի ծառայողների համատեղ ձեռնարկած օպերատիվ-հետախուզական միջոցառումների շնորհիվ մարտի 27-ին, ժամը 10.10-ին, Երևանի Գաջեգործների փողոցից ոստիկանության Էրեբունու բաժին բերման է ենթարկվել 21-ամյա Սուրեն Խ.-ն, որը մարտի 4-ից հետախուզվում էր ՌԴ ներքին գործերի նախարարության՝ Ռոստով քաղաքի 1-ին ոստիկանության բաժնի կողմից՝ ՌԴ քրեական օրենսգրքի 161 հոդվածի (ավազակությունը) 2-րդ մասի մեղադրանքով: Այս մասին տեղեկացրին ՀՀ ոստիկանության հասարակայնության հետ կապերի և լրատվության վարչությունից։