Amazon-ը դարձել է ԱՄՆ ամենամեծ ընկերությունը տարեկան հասույթի գծով՝ առաջ անցնելով Walmart-ից

Amazon.com Inc.-ի անցյալ տարվա հասույթը գերազանցել է Walmart Inc.-ի հասույթը՝ դառնալով ԱՄՆ ամենամեծ ընկերությունը տարեկան հասույթի գծով։

Walmart-ի երեկ հրապարակած ֆինանսական արդյունքների համաձայն՝ հունվարի 31-ին ավարտված ֆինանսական տարվա իր հասույթը կազմել է 713.2 միլիարդ դոլար։ Amazon-ը նախկինում հայտնել էր 2025թ․ տարեկան հասույթը 716.9 միլիարդ դոլարի չափով։ Walmart-ի եկամուտը աճել է 4.7 տոկոսով, մինչդեռ Amazon-ինը՝է 12.4 տոկոսով։

PYMNTS Intelligence-ի տվյալներով՝ Amazon-ին բաժին է ընկնում ԱՄՆ-ում մանրածախ վաճառքի մոտ 9 տոկոսը, Walmart-ի բաժինը կազմում է մոտ 7.6 տոկոս։

Walmart-ը տարեկան հասույթով առաջատարն էր 2001 թվականից, երբ առաջ անցավ նավթ արտադրող Exxon Mobil-ից։

Amazon-ը հիմնադրվել է 1994թ․ Ջեֆ Բեզոսի կողմից, որպես առցանց գրախանութ։ Ընկերությունն այժմ դարձել է առաջատար առցանց մանրածախ վաճառող, ինչպես նաեւ ամպային ծառայությունների եւ արհեստական ​​բանականության տեխնոլոգիաների մատակարար։ Amazon-ը նաեւ արտադրում է իր սեփական էլեկտրոնային սարքերը, հագուստը եւ սննդամթերքը, ունի սթրիմինգային ծառայություն եւ արտադրում է ֆիլմեր ու հեռուստասերիալներ։

Amazon-ի բաժնետոմսերն ուրբաթ նախնական աճուրդում 0.3 տոկոսով, Walmart-ի բաժնետոմսերը նույնպես աճել են 0.3 տոկոսվ։ Amazon-ի շուկայական կապիտալացումը կազմում է 2.2 տրիլիոն դոլար, մինչդեռ Walmart-ինը` 995 միլիարդ դոլար։