Փաշինյանի տեղն այնքան է նեղացել, որ սկսել է ժողովրդին պատերազմով սպառնալ․ ասում է, որ ոչ միայն պատերազմ է լինելու, այլև ինքնիշխանություն ենք կորցնելու․ Էդմոն Մարուքյան

Էդմոն Մարուքյանը իր տելեգրամյան ալիքում տեսանյութ  է հրապարակել և կից գրել․

Փաշինյանի տեղն այնքան է նեղացել, որ սկսել է ժողովրդին պատերազմով սպառնալ։ Ասում է, որ ոչ միայն պատերազմ է լինելու, այլև ինքնիշխանություն ենք կորցնելու։

Պատկերացնում եք՝ ինչ ահավոր ու սարսափելի տեսարան է նա նկարագրում և դա անում է միայն նրա համար, որ շարունակի ապրել կառավարական ամառանոցում, մնա Հայաստանի Հանրապետության վարչապետ և իր քաղաքական միավորը շարունակի միլիարդներով փող իրար մեջ բաժանել ու ապրել։

Երկրորդ դրվագը՝ Փաշինյանի այսօրվա ճեպազրույցից. Լրագրողներին ասում է, որ եթե ինքը չընտրվի, իսկ նրանք շարունակեն աշխատել որպես լրագրող, ապա դառնալու են հաշմանդամ․ մեկի ձեռքը կկոտրվի, մյուսի ոտքը, երրորդը կկորցնի աչքը, չորրորդը կզոհվի։ Այսինքն՝ սպառնում է բոլոր նրանց, ովքեր խոսում են ու խոսելու են։