Ներքին գործերի նախարարի գլխին մութ ամպեր են կուտակվում
Ներքին գործերի նախարարի գլխին մութ ամպեր են կուտակվում․ Վեդիում տեղի ունեցած սահմռկեցուցիչ դեպքը, երբ անչափահաս քույրերի նկատմամբ սեռական բռնության գործով արդեն 3-րդ անձն է կալանավորվում, կարող է դառնալ լրջագույն փորձաքար Հայաստանի գործող իշխանությունների համար։ Նման դեպքեր աշխարհի տարբեր երկրներում լինում են, բայց այն, ինչ իրավապահ համակարգը փորձում էր անել՝ կոծկելով այս նողկալի արարքը, արդեն իսկ լուրջ հետևանքներ է ունենում գործող իշխանությունների համար, և բնական է, որ Նիկոլ Փաշինյանն էլ հասկանում է այդ փաստը, որ իր իսկ ենթականերն իրեն պարզապես փուռն են տվել։ Ու նախօրեին լրագրողների հետ զրույցում Փաշինյանը մի քանի հայտարարություններ է արել, որոնք վկայում են, որ խիստ դժգոհ է իրավապահ համակարգի, հատկապես ներքին գործերի նախարար Արփինե Սարգսյանի աշխատանքից։
«Որոշակի դառնության զգացում ունեմ, ինչպես նաև պահանջում եմ, որ հատկապես այդօրինակ դեպքերում բոլոր պատասխանատուները վերաբերվեն այնպես, ինչպես կվերաբերեն իրենց երեխայի նկատմամբ հնարավոր տեղի ունեցած պոտենցիալ դեպքին»,- ընդգծել է նա։
Փաշինյանը հիշեցրել է՝ երբ քաղաքական հարթակներում ասում է «Հայաստանն իմ տունն է, ժողովուրդն՝ իմ ընտանիքն է» կարգախոսը, դա պետք է արտահայտվի նաև պետական ինստիտուտների, այդ թվում՝ իրավապահների աշխատանքում։ Փաշինյանի խոսքով՝ իրավապահ համակարգի այն պաշտոնյաները, որոնք այս դեպքով թերացել են իրենց աշխատանքի մեջ, պետք է իրենց նկատմամբ համապատասխան հետևանքներ լինեն։ «Մարզային պատասխանատուները պետք է անձնական պատասխանատվություն կրեն կոնկրետ քրեածին իրավիճակի, ինֆորմացիայի տիրապետման համար»,- վստահեցրել է նա։
Մեր աղբյուրների փոխանցմամբ, Արփինե Սարգսյանին փոխելու հստակ հանձնարարական է դրված, ընդ որում չի բացառվում, որ պաշտոնանկությունը տեղի ունենա մինչև խորհրդարանական ընտրությունները, առավել ևս, որ վերջինիս նշանակումը ներքին գործերի նախարարի պաշտոնում ամենևին էլ Փաշինյանի սրտով չի եղել, այլ եվրոպական կառույցների պահանջով, և այժմ հրաշալի հնարավորություն է ստեղծվել Նիկոլ Փաշինյանի համար ազատվել Արփինե Սարգսյանի ներկայությունից և այդ պաշտոնում նշանակել իր մերձավորներից որևէ մեկին։
Մոնիկա Կիրակոսյան
Ես հայտարարեցի, որ մենք Ղարաբաղյան շարժումը պետք է չշարունակենք և չենք շարունակելու, դրանից հետո զեն...
Պատերազմի ընթացքում ՀԱՊԿ-ին դիմելու փաստաթուղթը պատրաստել էինք ես և Վաղարշակ Հարությունյանը․ Արշակ Կ...
Գեներալ Կարապետյանն ասում է` «Հայ ժողովուրդը եղել է, կա և լինելու է». ՀՃԿ անդամ
«Իմ սիրտն ազատ չէ». Դիմա Բիլանը խոսել է անձնական կյանքից
44-օրյա պատերազմում անհայտ կորած բժիշկ Հրանտ Պապիկյանի քույրը՝ բժշկուհի Արփինե Սողոյանը, որին քաշքշե...
Մեծ քանակությամբ զենք-զինամթերքի կամավոր հանձնումներ՝ Արմավիրի և Արտաշատի համայնքային ոստիկանների բա...
Իրանական ճգնաժամի ֆոնին՝ Ավստրալիայում վառելիքի պաշարները հասել են ռեկորդային մակարդակի
Կամ մերժում եք 16֊ին, կամ առանց պատասխան տալու հանձնելու են Հայաստանը․ ՀՃՇ
Ինչու՞ է Ադրբեջանը հետախուզում հայտարարել Սամվել Կարապետյանի նկատմամբ, որովհետև նա հայանպաստ գործուն...
Պատվիրակություններ աշխատում են, վարդերի ու բանջարեղենի առաջին խմբաքանակն արդեն դուրս է եկել. Նիկոլ Փ...