Global Finance․ ԱրարատԲանկը ճանաչվել է Հայաստանի «Լավագույն ենթապահառու բանկ»

ԱրարատԲանկը «Global Finance» միջազգային հեղինակավոր ամսագրի մասնագիտական թիմի կողմից ճանաչվել է Հայաստանի «Լավագույն ենթապահառու բանկ»:  

Որոշում կայացնելիս «Global Finance» միջազգային հեղինակավոր ամսագրի մասնագիական թիմը հաշվի է առել հաճախորդների սպասարկման որակը,  մրցակցային սակագները, տեխնիկական ապահովվածությունը, բիզնեսի անընդհատության ապահովումը, տեղական շուկաների և օրենքների իմացությունն ու այլ չափանիշներ։ 

Հիշեցնենք, որ ԱրարատԲանկը մատուցում է արժեթղթերի պահառության և ռեեստրավարման ծառայություններ թե՛ գլխամասային գրասենյակում, թե՛ մասնաճյուղերում, ինչպես նաև իրականացնում է Կենտրոնական դեպոզիտարիայի ծառայությունների միջնորդավորում։ 

Տեղեկանք. «Global Finance Magazine» ամսագիրը տպագրվում է 1987թ.-ից և աշխարհի 180 երկրում ունի ավելի քան 50 000 բաժանորդ: Ամսագրի թիրախային լսարանը աշխարհի խոշորագույն մասնավոր և պետական ֆինանսական կառույցների ղեկավարներն ու ներկայացուցիչներն են: Ամսագիրը վերլուծում է 192-ից ավել երկրների կարևորագույն ֆինանսական ցուցանիշները: