Զանգեզուրի պղնձամոլիբդենային կոմբինատը շարունակում է արդիականացնել իր տեխնիկական պարկը

Ավարտվել են ամերիկյան Caterpillar (CAT) ընկերության 180 տոննա բեռնատարողությամբ նոր ինքնաթափերի մոնտաժման աշխատանքները։

Լեռնահանքային արդյունաբերության համաշխարհային առաջատարի այս հզոր մեքենաները համալրել են Քաջարանի հանքի տեխնիկական պարկը՝ բարձրացնելով արտադրական գործընթացների արդյունավետությունն ու հուսալիությունը։

CAT տեխնիկան տարիներ շարունակ ապացուցել է իր բացառիկ դիմացկունությունն ու բարձր արտադրողականությունը Քաջարանի հանքի բարդ և պահանջկոտ պայմաններում։

Համաշխարհային այս բրենդի ներկայությունը մեր արտադրությունում նշանակում է՝

առավելագույն անվտանգություն,  բարձր արդյունավետություն,  տեխնոլոգիական շարունակական զարգացում։

Նոր սերնդի այս հսկաներն արդեն պատրաստ են ստանձնելու իրենց կարևոր առաքելությունը՝ ապահովելով հանքաքարի արագ, անխափան և արդյունավետ տեղափոխումը։

Սա ևս մեկ կարևոր քայլ է արտադրական հզորությունների զարգացման, մրցունակության բարձրացման և ժամանակակից հանքարդյունաբերության լավագույն փորձի ներդրման ճանապարհին։