Սարսափելի վիճակ է Սիսիանի դիրքերից մեկում, մերոնք գտնվում են թշնամու դիպուկահարի ուղիղ նշանառության տակ. Տիգրան Քոչարյան (Տեսանյութ)

«Հունվարի 2-ին տեսնելով Փաշինյանի պարը Վարդենիսի զորամասում, միանգամից աչքիս առաջ եկավ նրա պարը Ջդրդուզում, որից հետո արդեն հասկանալի էր, որ դա մահվան պար է: Ինձ մոտ վատ կանխազգացում ունեցա ու զգուշացրի՝ տղերք, ինչի՞ եք պարում նրա հետ, Ջդրդուզից հետո տեսանք ինչ եղավ»։ Այս մասին «Փաստինֆո»-ի եթերում ասել է մեդիափորձագետ Տիգրան Քոչարյանը։

Ամենայն հարգանքով մեր զինվորների հանդեպ, բայց Փաշինյանի հետ պարող զինվորը, փորձագետի խոսքերով, չի կարող լինել անվտանգության երաշխավոր:

«Նրա հետ պարող զինվորը վարակվում է պարտվողականությամբ, թշնամու դեմ դուռ բացելու, գերի ընկնելու ցանկությամբ։ Ժամանակն է որ մարդիկ ուշքի գան, հասկանան` որտեղ Փաշինյանը մտնում է, այնտեղ մահ է առաջանում»,- ասել է մեդիափորձագետը։

Բանախոսի պնդմամբ` շատ տեղերում առաջնագիծը կահավորված չէ, և հասկանալի չէ, թե ինչու են այդ երեխաներին ուղարկում այդ դիրքեր:

«Սարսափելի վիճակ է նաև Սիսիանի դիրքերից մեկում, թշնամու դիպուկահարի ուղիղ նշանառության տակ են մերոնք գտնվում», - նշել է նա։

Քոչարյանն անդրադարձել է նաև անվտանգության և ներքաղաքական կարևորության մի շարք այլ կարևոր հարցերի։

Մանրամասները՝ տեսանյութում։