Հայտնի է բանկում պայթյունի պատճառը

Հուլիսի 6-ին, ժամը 09:07-ին Արագածոտնի մարզային ճգնաժամային կառավարման կենտրոն ահազանգ է ստացվել, որ Աշտարակ քաղաքի բանկերից մեկում տեղի է ունեցել պայթյուն՝ հրդեհի բռնկմամբ:

Ըստ նախնական տվյալների՝ կա մեկ զոհ և հինգ տուժած: Տուժածները տեղափոխվել են Աշտարակ քաղաքի ԲԿ:

Արագածոտնի մարզի փրկարարական վարչությունից 1or.am-ին հայտնեցին, որ այս պահի դրությամբ մասնագետներն աշխատում են դեպքի վայրում, դեռ շատ տվյալներ հայտնի չեն:

Մենք կապ հաստատեցինք նաև Յունիբանկի հասարականյության հետ կապերի բաժին, որտեղից մեզ տեղեկացրեցին, որ նախնական ենթադրությամբ պայթյունը գազի պատճառով է եղել:

Մարիամ Նալբանդյան